Շերիլ Սենդբերգ / Sheryl Sandberg
Շերիլ Սենդբերգը Ֆեյսբուքի գլխավոր գործառնական տնօրենն է և առաջին կինը, որ ընդգրկվել է ընկերության տնօրենների խորհրդի կազմում։ Իրականում Ցուկերբերգը զբաղված չէր գործառնական տնօրենի փնտրտուքով։ Սակայն երեկույթներից մեկի ժամանակ հանդիպում է Սենդբերգին, որ համապատասխանում էր բոլոր պահանջներին, և որոշում է նշանակել նրան այդ պաշտոնին։
Շերիլ Սենդբերգը ծնվել է 1969 թվականին Վաշինգտոնում։ 1987-91 թթ․ սովորել է Հարվարդի համալսարանում՝ ստանալով տնտեսագիտության բակալավրի աստիճան։ 1993-95 թթ․ կրթությունը շարունակել է Հարվարդի բիզնես դպրոցում՝ ստանալով մագիստրոսի աստիճան։
Նախքան Ֆեյսբուքին միանալը՝ Սենդբերգը 2001-2008 թթ․ աշխատել է Google-ում՝ ղեկավարելով առցանց վաճառքի և գովազդի բաժինը։
Սենդբերգն ակտիվորեն մասնակցում է կանանց իրավունքների և հավասարության պաշտպանությանը, աջակցելով տարբեր ծրագրերի և նախաձեռնությունների, որոնք ուղղված են աշխատանքային միջավայրում հավասարության ստեղծմանը։
Իր գաղափարները Սենդբերգն ամփոփել է հեղինակած գրքերում, որոնցից առավել հայտնի է «Միշտ առաջ» բեսթսելերը։