Դոնալդ Թրամփ, Թոնի Շվարց / Donald Trump, Tony Schwartz

ԱՄՆ-ի 45-երորդ նախագահ Դոնալդ Թրամփը նախքան քաղաքական գործունեություն ծավալելը հայտնի հեռուստաաստղ էր և գործարար, Trump Organization խոշոր շինարարական ընկերության նախագահ։ Նա հիմնադրել է Trump Entertainment Resorts-ը, որը աշխարհի տարբեր ծայրերում գտնվող խաղատների և հյուրանոցների ցանց է։ 

Դոնալդ Թրամփի հաջողության պատմությունը նման չէ մյուսներին։ Նա չի եղել աղքատ տղա, որ ամբողջ կյանքում երազել է չքավորությունից դուրս գալու մասին։

 Հաջողակ կառուցապատող Ֆրեդ Թրամփի որդին ծննդյան օրվանից միլիոնատեր է եղել։ Դոնալդը բիզնեսի հմտությունները սովորել է հորից, բայց նպատակասլաց երիտասարդը ցանկանում էր իր հետքը թողնել և դառնալ ավելին, քան պարզապես Ֆրեդ Թրամփի որդին։ Եվ Դոնալդը բազմապատկում է հոր կարողությունը։ 

Թոնի Շվարցը The Energy Project խորհրդատվական ընկերության նախագահն է, հիմնադիրը և գործադիր տնօրենը, ինչպես նաև բիզնես մարզիչ: Բիզնես գրականության բեսթսելերների հեղինակ և պրոֆեսիոնալ բանախոս, որն ունի խոշոր ընկերությունների ղեկավարների հետ աշխատելու ավելի քան 30 տարվա փորձ:

Շվարցն իր լրագրողական կարիերան սկսել է 1975 թվականին: Եղել է The New York Post-ի սյունակագիր, Newsweek ամսագրի գլխավոր խմբագրի տեղակալ, The New York Times-ի թղթակից և New York Magazine-ի և Esquire-ի հաստիքային գրող:

Նրա հեղինակությամբ վերջին գիրքը, որը հրատարակվել է Ամերիկայում 2010 թվականի մայիսին, դարձել է New York Times-ի բիզնես բեսթսելեր:

Գրքեր