Ջոն Մաքսվել, Ռոբ Հոսքինս / John Maxwell, Rob Hoskins

Ջոն Ք․ Մաքսվելն ամերիկացի գրող է, հանրային խոսնակ և առաջնորդության ոլորտի գուրու։ Նրա գրքերը վաճառվել են միլիոնավոր օրինակներով, իսկ դրանցից մի քանիսը հայտնվել են New York Times-ի վարկածով բեսթսելերների ցուցակում։ Առավել հայտնի են  «Առաջնորդության 21 անվիճարկելի օրենքները»,  «Զարգացրո՛ւ ներսիդ առաջնորդին» և «Առաջնորդի 21 պարտադիր հատկանիշները» գրքերը։ 

Մաքսվելն ամենամյա ելույթներ է ունենում Fortune 500 ընկերությունների, միջազգային ղեկավարների և այնպիսի տարբեր կազմակերպությունների համար, ինչպիսին են ԱՄՆ Ռազմական ակադեմիան Ուեսթ Փոյնթում, Ֆուտբոլի ազգային լիգան և ՄԱԿ-ը։ 

2014 թվականին Inc. Magazine-ի կողմից Մաքսվելը ճանաչվել է աշխարհի ամենահայտնի փորձագետ առաջնորդության ոլորտում։ 

Ռոբ Հոսքինսը OneHope ընկերության նախագահն է։ Իր կարիերայի ընթացքում համագործակցել է առաջնորդության փորձագետ Ջոն Մաքսվելի հետ, նրա հետ համահեղինակել «Փոխի՛ր աշխարհդ» գիրքը։ 

Մաքսվելը նրան անվանում է «առաջնորդների առաջնորդ»։ Հոսքինսն ուղղություն է ցույց տալիս ստարտափներին, ինչպես նաև խորհրդատվական ծառայություններ է տրամադրում խոշոր կազմակերպություններին՝ օգնելով դրանց նոր կյանք տալ իրենց առաքելությանը և տեսլականին, դառնալ ավելի մասշտաբային կամ մոդեռնիզացվել։ 

Գրքեր