Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Երեսունչորսերորդ գաղտնիքը պատմում է ամերիկացի միլիարդատեր և ներդրող Մայքլ Դելի մասին: Նա Dell համակարգչային ընկերության հիմնադիրն է և գլխավոր գործադիր տնօրենը։ 1990 թվականից սկսած՝ ոլորտի 25 ընկերություններից 17-ն արդեն շուկայում չեն, իսկ Dell-ը հաստատուն քայլերով շարժվում է առաջ՝ դառնալով առաջինն ԱՄՆ-ում ու երրորդը աշխարհում:
