Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Յոթերորդ գաղտնիքը պատմում է այն մասին, թե ինչպես Ռիչարդ Բրենսոնը ստեղծեց իր կայսրությունը՝ Virgin Group-ը, ինչպիսի կամային հատկանիշներ ցուցաբերեց ծանրագույն իրավիճակներում և հասավ հաջողության։ Բրենսոնի անցած ուղին ցույց է տալիս, որ պետք չէ բավարարվել ձեռք բերածով․ հարկավոր է անընդհատ փնտրել բիզնեսի զարգացման այլ ճանապարհներ։ Այլ կերպ ասած՝ չի կարելի թույլ տալ, որ բիզնեսը կախված լինի մեկ ոլորտից։
