Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Հինգերորդ գաղտնիքը պատմում է մի մարդու մասին, որի սիգարները նվաճեցին ողջ աշխարհը։ Խոսքը Զինո Դավիդովի մասին է, որին շատերն անվանում էին սիգարի աշխարհի Ռոլս-Ռոյսի հիմնադիր: Նա շեշտը դրել էր էլիտարության գաղափարի վրա․ չէ՞ որ սիգարը ծխողներին տալիս էր որոշակի կարգավիճակ:
Անսահման աշխատասեր այս գործարարը կարիերայի սկզբից մինչև սիգարի մագնատ դառնալը հավատարիմ մնաց իր սկզբունքին․ «Ավելի լավ է մեկ թանկ ապրանք, քան 20 էժան»:
