Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Վեցերորդ գաղտնիքը պատմում է Սեմ Ուոլթոնի և նրա ստեղծած կայսրության՝ Wal-Mart-ի մասին։ Ուոլթոնն ընդգծում է մի կարևոր մոտեցում․ ինչքան շատ բաժանես շահույթը գործընկերներիդ հետ, այնքան ավելի մեծ եկամուտներ կստանաս:
Բացի այդ՝ մրցակցությունն է, որ ուժեղ է դարձնում ձեզ։ Մրցակիցները քննադատում էին Wal-Mart-ի գործունեությունը, սակայն հենց այդ քննադատությունները հաշվի առնելով՝ նրանք հսկայական աշխատանք կատարեցին բարելավման ուղղությամբ:
