Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Երեսունութերորդ գաղտնիքը պատմում է Էնդի Գրոուվի մասին, որ, 1979 թվականին ստանձնելով Intel ընկերության ղեկը, նպաստեց դրա վերելքին։ Intel-ն այսօր համարվում է միկրոպրոցեսոր արտադրող ամենահզոր ընկերությունն աշխարհում: Նա նույնպես փոխել է աշխարհն այնպես, ինչպես Apple-ն ու Microsoft-ը․ չէ՞ որ առանց Intel-ի, վերոնշյալ ընկերությունները պարզապես ոչինչ չէին կարող անել:
Intel-ի հաջողության պատմությունը վկայությունն է այն բանի, որ պետք է լինել ճկուն և անհրաժեշտության դեպքում փոխել բիզնեսի ուղղությունը։
