2017թ. հրատարակված ‹‹Քառյակը. Amazon-ի, Apple-ի, Facebook-ի և Google-ի թաքնված ԴՆԹ-ն›› գրքում Սքոթ Գելոուեյը պատմում է այն հսկայական իշխանության և ուժի մասին, որ կուտակել են այս ընկերությունները, ինչպես նաև նրանց՝ մեզ վրա ունեցած ազդեցության մասին։ Հեղինակը պնդում է, որ Amazon-ը, Apple-ը, Facebook-ը և Google-ը ստեղծել են մի միջավայր, որում իրենց արտադրած ապրանքներն անհրաժեշտ են դարձել ցանկացած մարդու համար, որն ուզում է առաջ շարժվել՝ թե՛ մասնագիտորեն, թե՛ անձնական կյանքում։ Այս ընկերությունները հասել են այդ իշխանությանը՝ աշխատելով մարդու՝ խելացի որոշումներ կայացնելու, հաջողության հասնելու, պահանջված լինելու և այլ առաջնային ցանկությունների հետ:
Հասկանալ, թե ինչպես է ‹‹Քառյակը›› փոխել բիզնեսի աշխարհը և ազդել հասարակության զարգացման ուղղությունների վրա, շատ կարևոր է ցանկացած մարդու համար, որ ուզում է երկարաժամկետ տնտեսական կենսունակություն ձեռք բերել առաջիկա տասնամյակներում։
Նույն բացառիկ ոճով, որը հազարավոր ուսանողների գրավում է դեպի նրա դասախոսությունները բիզնես դպրոցում, Գելոուեյը վերլուծում է այն ռազմավարությունները, որոնք թաքնված են ‹‹Քառյակի›› փայլուն նկարագրի հետևում։ Նա ցույց է տալիս՝ ինչպես են բիզնեսի հսկաները դիմում այն հիմնական հուզական պահանջմունքների օգնությանը, որոնք ղեկավարում են մարդկանց դեռևս նախապատմական ժամանակներից։ Եվ իհարկե, հեղինակը պատմում է, թե ինչ դասեր կարող է քաղել ցանկացածը ‹‹Քառյակի›› հաջողություններից։
