Նրան կամ ատում են, կամ հիանում են նրանով, բայց չկա մեկը, ով անտարբեր է նրա հանդեպ։ Նրա համախոհների և հակառակորդների թվում հաջողակ ղեկավարներ են և լեգենդար դեմքեր, որոնց անունները հայտնի են ողջ աշխարհում։ Նպատակասլացությամբ նրան կարելի է համեմատել Բիլ Գեյթսի և Սթիվ Ջոբսի հետ։ Նրա մեջ միախառնված են Թոմաս Էդիսոնի հաստատակամությունը, Հենրի Ֆորդի համառությունը և Հովարդ Հյուզի խելահեղ հանճարեղությունը։
Տարիներ առաջ քչերն էին լուրջ վերաբերվում Իլոն Մասկի ընկերություններին։ Իսկ այսօր նրա բիզնես կայսրությունը իր գործարաններով, տասհազարավոր աշխատատեղերով և ամենատարբեր ոլորտների բարձրակարգ մասնագետներով դարձրել է նրան աշխարհի ամենահարուստ մարդկանցից մեկը՝ 11,7 միլիարդ դոլար զուտ ակտիվների արժեքով։ SpaceX-ը, Tesla-ն և SolarCity-ն բազմաթիվ անվիճարկելի նվաճումների են հասել, որոնք շրձադարձային են եղել աէրոտիեզերական, էլեկտրաշարժիչների ոլորտների և էներգետիկայի համար։ Դրանց հետագա զարգացումը կարող է փոխել ողջ աշխարհը։
ԶԼՄ-ները նշում են, որ Մասկը «Երկաթե մարդը» ֆիլմի գյուտարար Թոնի Ստարկի նախատիպն է։ Նրա նվաճումների մասին հաճախ են ասում. «Դա անհնար է»։ Եվ դա ամեն ինչ ասում է նրա մասին։
