Կարգուկանոնի՝ կյանք փոխող հրաշագործ ուժը / The Life-Changing Magic of Tidying Up

Մարի Կոնդոն, որ մասնագիտացած է տանը կարգուկանոն հաստատելու խորհրդատվական ծառայությունների մատուցման մեջ, նոր մակարդակի է հասցրել այդ կարևոր գործընթացը։ Ըստ նրա՝ եթե դուք մեկ անգամ, ինչպես հարկն է, պարզեցնեք ու կարգի բերեք ձեր տան ներքին հարդարանքը, այլևս ստիպված չեք լինի կրկնել դա։ Մարի Կոնդոյի՝ Տոկիոյում գտնվող խորհրդատվական ընկերությունն օգնում է իր հաճախորդներին իրենց քաոսային տները վերածել ոգեշնչման ու հանգստության վայրերի։ Եթե օգտագործեք ճիշտ մեթոդը և կենտրոնացնեք ձեր ջանքերը խառնաշփոթից ազատվելու վրա, ապա կարճ ժամանակ անց կտեսնեք այնպիսի արդյունք, որը կմղի ձեզ նույնկերպ շարունակելու։ Իրերը մի կողմ դնելը ստեղծում է պատրանք, որ դուք լուծել եք խառնաշփոթի հարցը։ Մինչդեռ ըստ Կոնդոյի յուրահատուկ մեթոդի՝ միայն տարածքը չէ, որ պետք է փոխվի։ Նա խորհուրդ է տալիս պատկերացնել այն իդեալական կյանքը, որտեղ ներքին կարգուկանոնի շնորհիվ կհասնենք արտաքին հստակության և մեր կյանքում կպահենք այն ամենը, ինչն ուրախություն է պարգևում մեզ։