«Բարուց և չարից անդին» գիրքը լույս է տեսել 1886 թվականին։ Այստեղ առանցքայինը ճշմարտությանը հասնելու կամքն է։ Իսկ դրա համար մարդը պետք է հարցականի տակ դնի ամեն ինչ։ Արդեն իսկ իմացածին քննադատական տեսանկյունից նայելն օգնում է գտնել նոր հարցեր, առանց որոնց անհնար է զատել ճշմարտությունը։
Ըստ Նիցշեի` խելացի մարդիկ որոշումներ են կայացնում` հիմնվելով տեղեկությունների վրա, անգամ եթե դրանք հակասում են այն ամենին, ինչ իրենց սովորեցրել են։
«Ճշմարտության» մասին խոսելու փոխարեն՝ նրանք փորձում են տարբեր կողմերից նայել հարցին։
Նիցշեի նպատակն էր ցույց տալ գալիք փիլիսոփաներին, որ պետք է հաղթահարել կանխակալ մոտեցումներն ու նախապաշարմունքները, ինչպես նաև չփակվել սևի ու սպիտակի սահմաններում՝ անցնելով բարուց ու չարից անդին։
