Բազմաթիվ ֆինանսական գրքեր կենտրոնանում են փողի և ներդրումների տեխնիկական կողմերի վրա, օրինակ՝ ինչպես ընտրել բաժնետոմսեր կամ ստեղծել պորտֆոլիո։ Այս գրքում Մորգան Հաուզելն ընդգծում է այն հաճախ անտեսվող հանգամանքը, որ մենք էմոցիոնալ, տրամաբանությունից դուրս գործող արարածներ ենք, այլ ոչ թե ներդրումների վերադարձելիությունը օպտիմիզացնող ռոբոտներ։ Մեր ֆինանսական հաջողությունն ավելի շատ կախված է սոֆթ հմտություններից, թե ինչպես ենք կառավարում մեր էմոցիոնալ ազդակներն ու հոգեբանական գործոնները, քան տեխնիկական հմտություններից՝ ֆինանսական վերլուծություններից, շուկայի օրենքների իմացությունից։
Ինչպե՞ս պետք է ներդրողները կառավարեն անխուսափելի ռիսկերը։ Որո՞նք են հարստություն ստեղծելու այն հզորագույն գործիքները, որոնք տեխնիկական հմտություններ գրեթե չեն պահանջում։ Ինչպե՞ս է մեր ուղեղը հետ պահում մեզ ավելի բարեկեցիկ ապագայից։
«Փողի հոգեբանությունը» գրքում ներդրող և ֆինանսական լրագրող Մորգան Հաուզելը պատասխանում է վերոնշյալ հարցերին։ Մյուս կողմից՝ նա ցույց է տալիս, թե ինչպես են մարդու մտքերը, սովորություններն ու էմոցիաները փոխկապակցվում ներդրումների հետ։
Հաուզելը փոխանցում է ռազմավարություններ, որոնք կօգնեն ներդրողներին ծառայեցնել այս կապն ի շահ իրենց՝ ոչ միայն ֆինանսական, այլ նաև անձնական օգուտ քաղելով։
