Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Երեսունմեկերորդ գաղտնիքը պատմում է մի կնոջ մասին, որի անունը հավերժ մնացել է 20-րդ դարում մարքեթինգային հնարամիտ քայլեր իրականացնող մարդկանց շարքում: Խոսքն Էսթե Լաուդեի մասին է, որի հիմնած ընկերությունն այժմ կոսմետիկայի արտադրությամբ զբաղվող երկրորդ խոշորագույն բրենդն է աշխարհում։
