Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Տասնչորսերորդ գաղտնիքը շարունակում է Starbucks-ի պատմությունը։ Շուլցն ընդգծում է ուժեղ թիմ ունենալու կարևորությունը։ Մի՛ վախեցեք շրջապատել ձեզ ավելի խելացի մարդկանցով: Շատ գործարարներ ունեն հրաշալի գաղափարներ, սակայն ամեն ինչ փորձում են միայնակ անել, չեն ուզում կիսել և՛ եկամուտը, և՛ պատասխանատվությունը։ Որպես արդյունք՝ տուժում են թե՛ իրենք, թե՛ բիզնեսը: Բիզնեսի աճի համար հարկավոր են ուժեղ ղեկավարներ, և երբ ձեզ շրջապատում եք այդպիսի մարդկանցով, աճում եք նաև դուք:
