Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Տասներորդ գաղտնիքը պատմում է Ջոն Մորգանի մասին, որ, կյանքում ոչ մի ապրանք արտադրած չլինելով, կառուցել է ֆինանսական թագավորություն: Որևէ պետական պաշտոն չզբաղեցնելով` Ջոն Մորգանը կարողացել է վերահսկել հսկայական կապիտալի ներհոսքը Եվրոպայից ԱՄՆ:
Մորգանների հիմնած JP Morgan and Chase ներդրումային բանկը ձևավորվել է Chase Manhattan Bank, J.P. Morgan and Co ֆինանսական կառույցների միաձուլումից:
