Վահագն Դիլբարյանը գործարար է, մարքեթինգի մասնագետ, «100 բիզնես գաղտնիքներ» և «101 բիզնես գաղտնիքներ» բեսթսելերների հեղինակ: Գաղտնիքներում ներկայացված են մարքեթինգային գործիքներ, մոտիվացիոն բազմաթիվ պատմություններ, տասնյակ հաջողակ գործարարների ու մենեջերների կյանքը, գործունեությունը, քայլերը, բիզնեսում կայացրած որոշումները:
Քսաներեքերորդ գաղտնիքում Դիլբարյանը շարունակում է ներկայացնել այն գործոնները, որոնք ազդում են գնման որոշումների վրա։ Գնումների վերաբերյալ մեր որոշումների 40-ից 70 տոկոսը ընդունում ենք առանց պլանավորման, ինչը նշանակում է, որ ամեն ինչ տեղի է ունենում վաճառակետում: Անգամ եթե գնորդները գիտեն, թե ինչ են ցանկանում, միևնույն է, որոշ գործոններ ազդում են որոշումների վրա:
