«Կոշկավաճառը» յուրատեսակ դասագիրք է գործարարների առաջ ծագող հսկայական մարտահրավերների և պոտենցիալ պարգևների մասին։ Ինչպես հենց ինքը Նայթն է գրում, կոշկավաճառը այն մարդն է, որ «իրեն ամբողջովին նվիրում է կոշիկներ ստեղծելու, վաճառելու, գնելու կամ դրանց դիզայնը մշակելու գործին»։
Մարզակոշիկների արտադրության հսկա Nike-ի պատմությունը սկսվում է խենթ գաղափարից։ Ընկերության հաջողությունն ու համաշխարհային հռչակը ցույց են տալիս, որ եթե դուք հավատում եք ձեր գաղափարին, մտածում եք ստանդարտներից դուրս և հավատարիմ եք մնում ձեր արժեքներին, չկա որևէ սահմանափակում, թե ինչի կարող եք հասնել։ Եվ որ ամենակարևորն է` պետք է շրջապատեք ձեզ այնպիսի մարդկանցով, որոնք հավատում են ձեզ ու ձեր գաղափարի հաջողությանը։
