Ինքնակարգապահությունն այն ամուր հիմքն է, որն անհրաժեշտ է կյանքում ինչ-որ բանի հասնելու համար։ Տաղանդը, ինտելեկտը և հմտությունները հավասարման միայն մի կողմն են, դրական մտածողությունը, համոզմունքներն ու տեսլականները՝ նույնպես։ Եթե ուզում եք ձեր երազանքներն իրականություն դարձնել, ապա ձեզ ինքնակարգապահություն է պետք։
Ինքնակարգապահությունն այն ուժն է, որը ձեզ կօգնի պահել կենտրոնացումը, երբ թվա, թե ամեն ինչ կործանված է, և ձեզ մի քայլ է բաժանում ձախողումից։ Այն կտա ձեզ տոկունություն, որն անհրաժեշտ է ձեր նպատակին հասնելու ճանապարհին հանդիպող խոչընդոտներն անցնելու համար։
Ձեր նպատակներին հասնելու անկարողության պատճառը միայն ծուլությունը կամ մոտիվացիայի պակասը չէ, այլ ինչն ավելի կարևոր է՝ ինքնակարգապահություն չկիրառելը։ Մարդիկ ի ծնե կարգապահ չեն։ Ինչպես հեծանիվ քշելը կամ ֆուտբոլ խաղալը, դա հմտություն է, որը պետք է յուրացնել։
