Կա մի բան, որը բնորոշ է յուրաքանչյուր անհատին, հարաբերություններին, թիմին, ընտանիքին, ընկերությանը, պետությանը և ողջ մարդկային քաղաքակրթությանը: Եթե դա չլինի, կկործանվեն անգամ ամենահզոր կառավարությունները, հաջողակ բիզնեսները, աճող տնտեսությունները, լավագույն ընկերություններն ու ամենաամուր հարաբերությունները: Մյուս կողմից՝ ճիշտ զարգացնելու դեպքում այդ միակ բանը կարող է դառնալ հիմք ձեր կյանքի բոլոր ուղղություններում հաջողելու համար:
Խոսքը վստահության մասին է: Պետք չէ հեռուն գնալ՝ հասկանալու, որ ներկա հասարակությունները գտնվում են վստահության ճգնաժամի շեմին: Եթե դիտարկենք ընկերությունների մակարդակով, ապա ընկերությունների ներսում վստահությունն անկում է ապրում: Մինչդեռ բոլոր տեսակի հարաբերությունները հիմնվում ու կառուցվում են վստահության վրա:
Վստահության անկումն ազդում է սոցիալական, ինստիտուցիոնալ ոլորտների, ինչպես նաև միջանձնային հարաբերությունների վրա:
Թեև մենք հակված ենք մտածելու, որ վստահությունը վերացական է ու ոչ հստակ, ինչպես սերը, իրականում այն արդյունավետությունը բարձրացնելու չափելի գործոն է:
