‹‹Ալեն Քարրի` ծխելը թողնելու հեշտ ճանապարհը›› գիրքը ներկայացնում է համանուն մեթոդը, որի շնորհիվ ավելի քան 30 միլիոն մարդ թողել է ծխելը: Եվ դուք հնարավորություն ունեք դառնալու նրանցից մեկը: Ալեն Քարրն ինքը թողել է ծխելը երեսուն տարի շարունակ օրական 100 ծխախոտ ծխելուց հետո` մոլի ծխողից մեկ օրում վերածվելով երջանիկ չծխողի:
‹‹Հեշտ ճանապարհ›› մեթոդն օգնում է ոչ միայն թողնել ծխելը, այլև ազատվել ցանկացած տեսակի նիկոտինային կախվածությունից, լինի դա վեյփ, JOOL, դիփ, սնյուս, թե նիկոտինային այլ պրոդուկտ:
Ծխողները կհաստատեն, որ կամքի ուժի գործադրմամբ ծխելը թողնելուց հետո դեռ երկար ժամանակ նրանց ուղեկցել է նորից ծխելու ցանկությունը և, ի վերջո, նրանք տրվել են ևս մեկ անգամ ծխելու գայթակղությանն ու նորից հայտնվել նիկոտինային ծուղակում: Պատճառն այն է, որ ծխելու կամ նիկոտինային ցանկացած այլ կախվածության մասին ճշմարտությունը հայտնի չէ ծխողների մեծ մասին և նույնիսկ նրանց, ովքեր կամքի ուժի շնորհիվ են թողնում ծխելը: Արդյունքում ծխողների կյանքը վերածվում է ծխելը թողնելու անվերջ փորձերի, կրկին գայթակղությանը տրվելու և ձախողումների հաջորդականության:
